ក្រុមប្រឹក្សាផ្តល់គំនិតមួយ របស់អាមេរិក បានរាយការណ៏កាលពីថ្ងៃព្រហស្បតិ៏ទី១៧ ខែវិច្ឆិការថា វៀតណាមកំពុង ពង្រីកផ្លូវចុះចតយន្តហោះនៅលើកោះមួយ ដែលខ្លួនអះអាងកាន់កាប់ក្នុងសមុទ្រចិនខាងត្បូង ក្នុងការឆ្លើយតបមួយ ទំនងជាធ្វើឡើងចំពោះ ការសាងសង់ទីតាំងយោធារបស់ចិននៅលើកោះសិប្បនិម្មិតក្នុងតំបន់ ។
ក្រុមគំនិតផ្តួចផ្តើមអំពីតម្លាភាពដែនសមុទ្រអាស៊ី (AMTI) របស់រដ្ឋាភិបាលក្រុងវ៉ាស៊ីនតោនបាននិយាយថា រូបភាពផ្កាយរណបដែលថតនៅខែនេះ បានបង្ហាញវៀតណាមពង្រីកប្រវែងផ្លូវចុះចតយន្តហោះនៅកោះស្ត្រាតលី ពីប្រវែង៧៦០ម៉ែត្រទៅជាង ១គីឡូម៉ែត្រ ។
ក្រុមគំនិតផ្តួចផ្តើមអំពីតម្លាភាពដែនសមុទ្រអាស៊ី ដែលជាគម្រាងមួយរបស់មជ្ឈមណ្ឌលយុទ្ធសាស្ត្រនិង សិក្សាអន្តរជាតិ បាននិយាយថា ការងារដែលកំពុងបន្តធ្វើទំនងនឹងធ្វើឲ្យផ្លូវនេះពង្រីកប្រវែងដល់ទៅ ១,២គីឡូម៉ែត្រ ។ អ្នកដឹកនាំគម្រោងនេះ និយាយថា ផ្លូវពង្រីកថ្មីនេះអាចនឹងសម្រូលដល់យន្តហោះ ស៊ើបការណ៏ដែនសមុទ្រនិងយន្តហោះដឹកជញ្ជូន ក៏ដូចជាយន្តហោះចម្បាំងចុះចត ។
តាមរបាយការណ៏របស់ក្រុមគំនិតផ្តួចផ្តើមអំពីតម្លាភាពដែនសមុទ្រអាស៊ីបានឲ្យដឹងថា វៀតណាមបានចាក់ដីបំពេញ កោះស្ព្រាតលី ២៣ហិកតា ក្នុងប៉ុន្មានឆ្នាំចុងក្រោយនេះ ប៉ុន្តែការងារចាក់បំពេញដីនេះ នៅចាញ់ចិនឆ្ងាយណាស់ ។
ចិនបានកសាងផ្លូវចុះចតយន្តហោះ លើកោះសិប្បនិម្មិតចំនួន៣ដែលខ្លួនបានចាក់ដីបំពេញក្នុងសមុទ្រចិនខាងត្បូងតាំងពីឆ្នាំ ២០១៣ គេពុំទាន់ដឹងថា នៅពេលវៀតណាមធ្វើផ្លូវឫ ចាក់ដីលើកោះជម្លោះដើម្បីបង្កើតតំបន់យុទ្ធសាស្ត្រ ដែលចិនកំពុងតែអាងយ៉ាងថាជារបស់ខ្លួនតែម្នាក់នោះ ពុំដឹងថាផ្ទុះនូវជម្លោះហិង្សា ឫយ៉ាងណាទេ ។ ម្យ៉ាងទៀតគេពុំដឹងថា តើវៀតណាមអាងអាមេរិក ឫយ៉ាងណាបានជាហ៊ានលេងជាមួយចិនលែងខ្លាច ។ ប៉ុន្តែរដ្ឋបាលរបស់ប្រធានាធិបតីថ្មី លោកដូណាល់ត្រាំ ធ្លាប់បានប្រកាសថា មិនចង់រវើរវល់រឿង ក្រៅស្រុកដូចអូបាម៉ាទេ តើពេលនេះអ្វីវានឹងកើតឡើង ធ្វើឲ្យបញ្ហនៃតំបន់សមុទ្រនេះកើតឡើងកម្ពៅមិនខាន ។ ព្រោះលោក ស៊ីជិនពីង ថ្មីៗនេះប្រកាសដាច់ខាតថា ចិនមិនអនុញ្ញាតឲ្យជនណាមួយលូកលាន់ក្នុងកិច្ចការអធិបតេយ្យភាព និងបង្រួបបង្រួមរបស់ចិន ឡើយដែលន័យនេះកុំថាឡើយវៀតណាម ចិនក៏ព្រមានផងដែរទៅលើអាមេរិក ៕
No comments:
Post a Comment
Note: Only a member of this blog may post a comment.