ថ្ងៃសៅរ៏ ទី១៩ ខែវិច្ឆិកា ឆ្នាំ២០១៦ ម៉ោង ១៦:១៦ (19-11-2016 16:16)
ខេត្តកំពង់ចាម ៖ ប្រជាពលរដ្ឋរស់នៅភូមិតាមាង ឃុំកោះរកា ស្រុកកំពង់សៀម បាននាំគ្នាភ្ញាក់ផ្អើល ក្រោយបានឮវិទ្យុនិងប្រព័ន្ធ
ព័ត៌មានអេឡិចត្រូនិចចុះផ្សាយពីបុរសម្នាក់ឈ្មោះស៊ា នាង អាយុ៤៤ឆ្នាំ បានកើតជំងឺហ្ស៊ីកា (ZIKA) នោះ ។
ទោះបីជាបែបនេះក្តី ក្រសួងសុខាភិបាលបានចេញសេចក្តីប្រកាសតបវិញភ្លាមៗថា មិនមាននោះទេ ។ កាលពីព្រឹកថ្ងៃទី១៩ វិច្ឆិកា នេះ បុរសដែលល្បីថា បានឆ្លងជំងឺហ្ស៊ីកាឈ្មោះស៊ា នាង បានប្រាប់ឱ្យដឹងថា ដោយសារតែជីវភាពគាត់ មានការខ្វះខាតនោះ ក៏បានចាកចេញពីផ្ទះ ទៅស៊ីឈ្មួលគេ នៅក្នុងទឹកដីខេត្តមណ្ឌលគិរី ដោយទទួលបានប្រាក់ខែ២០០ដុល្លារក្នុង១ខែ ។
លុះនៅពេលខែទី៣ ស្រាប់តែមានអាការៈក្តៅខ្លួន ព្រឺរងាតិចៗ ក៏ប្រញាប់ធ្វើដំណើរមកផ្ទះវិញ នៅភូមិតាមាង និងបានឱ្យគ្រូពេទ្យជួសឈាមពិនិត្យ ស្រាប់តែឃើញរោគសញ្ញាគ្រុនចាញ់២បូក ។
បុរសឈ្មោះស៊ា នាង បានប្រាប់បន្តថា ក្រោយពីបានលទ្ធផលតេស្តឈាមហើយនោះ ក៏បានមកសុំថ្នាំពេទ្យនៅមណ្ឌលសុខភាពកោះកា លេបបាន៣ថ្ងៃ ក៏បានធូរស្រាល លែងក្តៅខ្លួន ។ បន្ទាប់មកទៀត បានក្តៅខ្លួនវិញ ក៏ទៅជួសឈាមមើលឃើញមេរោគគ្រុនចាញ់ទៀតបានសុំថ្នាំពេទ្យ នៅមណ្ឌលសុខភាពសំបួរមាសបាន៣ដង ក្នុងឆ្នាំ២០១៥ ។ ក្រោយពីបានធូរស្រាលពីរទៅបីថ្ងៃ ក៏បានក្តៅខ្លួនទៀត និងបានជួសឈាមឃើញគ្រុនចាញ់ទៀត ទៅដេកពេទ្យខេត្តបានម្តង ។
លុះចុងក្រោយ បានដេកលើកទី២ ថ្ងៃទី១៤ តុលា ២០១៦ បាន៣ថ្ងៃ ជំងឺរបស់គាត់បានធូរស្រាល ក៏ត្រឡប់មកផ្ទះ ប្រកបរបរជាជាងជួសជុលម៉ូតូ រហូតមកដល់ពេលនេះ សុខភាពរបស់គាត់មិនមានអ្វីចោទទៀតឡើយ ។ ជាមួយនោះ គាត់ក៏បានប្តេជ្ញាចិត្តថាមិនចេញទៅស៊ីឈ្មួលគេ នៅស្រុកឆ្ងាយទៀតទេ ព្រោះតែខ្លាចឆ្លងជំងឺពិបាកមើល ។
បុរសម្នាក់ទៀតឈ្មោះសឹក ឆេងហ៊ន អាយុ៥៦ឆ្នាំ ត្រូវជាបងថ្លៃបុរសឈ្មោះស៊ា នាង ក៏បានប្រាប់ឱ្យដឹងដែរថា នៅថ្ងៃទី១៨ វិច្ឆិកា មានក្រុមចាប់មូសចំនួន៤នាក់ ក្នុងនោះ មានបរទេសម្នាក់ផង បានដើរមកបូមចាប់មូសទាំងរស់ នៅក្នុងភូមិតាមាង ឃុំកោះរកា ដើម្បីយកទៅពិសោធន៏ ។ មានដាក់ថ្នាំអាល់បែតក្នុងពាងទឹក និងនៅពេលល្ងាច មានរថយន្តបាញ់ថ្នាំសម្លាប់មូស នៅតាមផ្លូវមុខផ្ទះដោយបានបាញ់២លើក ទាំងទៅទាំងមក ។
ក្រោយពីបានដឹងថា ប្អូនថ្លៃមានជំងឺគ្រុនចាញ់ ក៏ប្រញាប់ទៅឲ្យពេទ្យពិនិត្យក្នុងអំឡុងពេលរដូវភ្ជុំបិណ្ឌឆ្នាំ២០១៥ គាត់មិនមានការភិតភ័យនោះទេ ព្រោះពេទ្យបានអះអាងថា មានតែជំងឺគ្រុនចាញ់ត្រូវបានព្យាបាលបានធូរស្រាលច្រើន មកដល់ពេលនេះមិនក្តៅ ខ្លួនទៀតទេ ។
ស្ត្រីជាបងបង្កើតរបស់អ្នករងគ្រោះ ត្រូវជាប្រពន្ធបុុរសឈ្មោះឆេង ហ៊ន ប្រាប់ថា គាត់មានការភិតភ័យ រហូតដល់ទៅដេកមិនលក់ទេយប់ថ្ងៃទី១៨ វិច្ឆិកា ក្រោយពីបានឮគេផ្សាយថា ប្អូនប្រុសគាត់មានកើតជំងឺហ្ស៊ីកានោះ ។ ស្ត្រីចំណាស់ឈ្មោះថោង ណេន អាយុ៦៩ឆ្នាំ នៅភូមិតាមាងបានប្រាប់ថា នៅល្ងាចថ្ងៃទី១៨ វិច្ឆិកា គាត់បានឮវិទ្យុផ្សាយថា មានអ្នកភូមិរបស់គាត់ម្នាក់ បានកើតជំងឺហ្ស៊ីកា ធ្វើឲ្យគាត់មានការភិតភ័យ និងព្រួយបារម្ភ ដោយបានឲ្យកូនទៅទិញថ្នាំបាញ់មូស និងធូបមូសមកអុជ ព្រមទាំងបានបោស សំអាត ក្នុងបន្ទប់ក្រោមផ្ទះ និងលើផ្ទះ ដើម្បីការពារកុំឲ្យមានជំងឺនោះ ។
នៅព្រឹកថ្ងៃទី១៨ វិច្ឆិកា មានក្រុមការងារសុខាភិបាល បានចុះដាក់ថ្នាំអាល់បែត តាមពាងទឹកអ្នកភូមិ មកដល់វគ្គទី២បានចុះបូមចាប់មូសក្នុងបន្ទប់ក្រោមផ្ទះ និងលើផ្ទះគាត់បានជាមូសជាច្រើនក្បាល ហើយនៅពេលល្ងាច មានរថយន្តបាញ់ថ្នាំមូស ដែលកន្លងមកមិនដែលឃើញបាញ់នោះទេ ។ គាត់ពិតជាសប្បាយរីករាយនៅពេលដែលមានក្រុមសុខាភិបាល បានយកចិត្តទុកដាក់ជួយដល់អ្នកភូមិតាមាង ។
លោកវេជ្ជបណ្ឌិត គឹម សួរភិរុណ ប្រធានមន្ទីរសុខាភិបាលខេត្តវិញ បានមានប្រសាសន៍ឲ្យដឹងដែរថា នៅពេលដែលប្រព័ន្ធព័ត៌មាន បានចុះផ្សាយល្ងាចថ្ងៃទី១៨ វិច្ឆិកា ២០១៦ ថាបុរស ឈ្មោះស៊ា នាង បានឆ្លងជំងឺហ្ស៊ីកា ក្រោយពីមន្ទីរពិសោធន៏របស់បាស្ទ័រ រាជ ធានីភ្នំពេញបានពិនិត្យយ៉ាងល្អិតល្អន់នោះ គឺមិនមាននោះទេ ដោយបុរសរងគ្រោះគ្រាន់តែធ្លាប់កើតជំងឺគ្រុនចាញ់តែប៉ុណ្ណោះ ៕
ព័ត៌មានអេឡិចត្រូនិចចុះផ្សាយពីបុរសម្នាក់ឈ្មោះស៊ា នាង អាយុ៤៤ឆ្នាំ បានកើតជំងឺហ្ស៊ីកា (ZIKA) នោះ ។
ទោះបីជាបែបនេះក្តី ក្រសួងសុខាភិបាលបានចេញសេចក្តីប្រកាសតបវិញភ្លាមៗថា មិនមាននោះទេ ។ កាលពីព្រឹកថ្ងៃទី១៩ វិច្ឆិកា នេះ បុរសដែលល្បីថា បានឆ្លងជំងឺហ្ស៊ីកាឈ្មោះស៊ា នាង បានប្រាប់ឱ្យដឹងថា ដោយសារតែជីវភាពគាត់ មានការខ្វះខាតនោះ ក៏បានចាកចេញពីផ្ទះ ទៅស៊ីឈ្មួលគេ នៅក្នុងទឹកដីខេត្តមណ្ឌលគិរី ដោយទទួលបានប្រាក់ខែ២០០ដុល្លារក្នុង១ខែ ។
លុះនៅពេលខែទី៣ ស្រាប់តែមានអាការៈក្តៅខ្លួន ព្រឺរងាតិចៗ ក៏ប្រញាប់ធ្វើដំណើរមកផ្ទះវិញ នៅភូមិតាមាង និងបានឱ្យគ្រូពេទ្យជួសឈាមពិនិត្យ ស្រាប់តែឃើញរោគសញ្ញាគ្រុនចាញ់២បូក ។
បុរសឈ្មោះស៊ា នាង បានប្រាប់បន្តថា ក្រោយពីបានលទ្ធផលតេស្តឈាមហើយនោះ ក៏បានមកសុំថ្នាំពេទ្យនៅមណ្ឌលសុខភាពកោះកា លេបបាន៣ថ្ងៃ ក៏បានធូរស្រាល លែងក្តៅខ្លួន ។ បន្ទាប់មកទៀត បានក្តៅខ្លួនវិញ ក៏ទៅជួសឈាមមើលឃើញមេរោគគ្រុនចាញ់ទៀតបានសុំថ្នាំពេទ្យ នៅមណ្ឌលសុខភាពសំបួរមាសបាន៣ដង ក្នុងឆ្នាំ២០១៥ ។ ក្រោយពីបានធូរស្រាលពីរទៅបីថ្ងៃ ក៏បានក្តៅខ្លួនទៀត និងបានជួសឈាមឃើញគ្រុនចាញ់ទៀត ទៅដេកពេទ្យខេត្តបានម្តង ។
លុះចុងក្រោយ បានដេកលើកទី២ ថ្ងៃទី១៤ តុលា ២០១៦ បាន៣ថ្ងៃ ជំងឺរបស់គាត់បានធូរស្រាល ក៏ត្រឡប់មកផ្ទះ ប្រកបរបរជាជាងជួសជុលម៉ូតូ រហូតមកដល់ពេលនេះ សុខភាពរបស់គាត់មិនមានអ្វីចោទទៀតឡើយ ។ ជាមួយនោះ គាត់ក៏បានប្តេជ្ញាចិត្តថាមិនចេញទៅស៊ីឈ្មួលគេ នៅស្រុកឆ្ងាយទៀតទេ ព្រោះតែខ្លាចឆ្លងជំងឺពិបាកមើល ។
បុរសម្នាក់ទៀតឈ្មោះសឹក ឆេងហ៊ន អាយុ៥៦ឆ្នាំ ត្រូវជាបងថ្លៃបុរសឈ្មោះស៊ា នាង ក៏បានប្រាប់ឱ្យដឹងដែរថា នៅថ្ងៃទី១៨ វិច្ឆិកា មានក្រុមចាប់មូសចំនួន៤នាក់ ក្នុងនោះ មានបរទេសម្នាក់ផង បានដើរមកបូមចាប់មូសទាំងរស់ នៅក្នុងភូមិតាមាង ឃុំកោះរកា ដើម្បីយកទៅពិសោធន៏ ។ មានដាក់ថ្នាំអាល់បែតក្នុងពាងទឹក និងនៅពេលល្ងាច មានរថយន្តបាញ់ថ្នាំសម្លាប់មូស នៅតាមផ្លូវមុខផ្ទះដោយបានបាញ់២លើក ទាំងទៅទាំងមក ។
ក្រោយពីបានដឹងថា ប្អូនថ្លៃមានជំងឺគ្រុនចាញ់ ក៏ប្រញាប់ទៅឲ្យពេទ្យពិនិត្យក្នុងអំឡុងពេលរដូវភ្ជុំបិណ្ឌឆ្នាំ២០១៥ គាត់មិនមានការភិតភ័យនោះទេ ព្រោះពេទ្យបានអះអាងថា មានតែជំងឺគ្រុនចាញ់ត្រូវបានព្យាបាលបានធូរស្រាលច្រើន មកដល់ពេលនេះមិនក្តៅ ខ្លួនទៀតទេ ។
ស្ត្រីជាបងបង្កើតរបស់អ្នករងគ្រោះ ត្រូវជាប្រពន្ធបុុរសឈ្មោះឆេង ហ៊ន ប្រាប់ថា គាត់មានការភិតភ័យ រហូតដល់ទៅដេកមិនលក់ទេយប់ថ្ងៃទី១៨ វិច្ឆិកា ក្រោយពីបានឮគេផ្សាយថា ប្អូនប្រុសគាត់មានកើតជំងឺហ្ស៊ីកានោះ ។ ស្ត្រីចំណាស់ឈ្មោះថោង ណេន អាយុ៦៩ឆ្នាំ នៅភូមិតាមាងបានប្រាប់ថា នៅល្ងាចថ្ងៃទី១៨ វិច្ឆិកា គាត់បានឮវិទ្យុផ្សាយថា មានអ្នកភូមិរបស់គាត់ម្នាក់ បានកើតជំងឺហ្ស៊ីកា ធ្វើឲ្យគាត់មានការភិតភ័យ និងព្រួយបារម្ភ ដោយបានឲ្យកូនទៅទិញថ្នាំបាញ់មូស និងធូបមូសមកអុជ ព្រមទាំងបានបោស សំអាត ក្នុងបន្ទប់ក្រោមផ្ទះ និងលើផ្ទះ ដើម្បីការពារកុំឲ្យមានជំងឺនោះ ។
នៅព្រឹកថ្ងៃទី១៨ វិច្ឆិកា មានក្រុមការងារសុខាភិបាល បានចុះដាក់ថ្នាំអាល់បែត តាមពាងទឹកអ្នកភូមិ មកដល់វគ្គទី២បានចុះបូមចាប់មូសក្នុងបន្ទប់ក្រោមផ្ទះ និងលើផ្ទះគាត់បានជាមូសជាច្រើនក្បាល ហើយនៅពេលល្ងាច មានរថយន្តបាញ់ថ្នាំមូស ដែលកន្លងមកមិនដែលឃើញបាញ់នោះទេ ។ គាត់ពិតជាសប្បាយរីករាយនៅពេលដែលមានក្រុមសុខាភិបាល បានយកចិត្តទុកដាក់ជួយដល់អ្នកភូមិតាមាង ។
លោកវេជ្ជបណ្ឌិត គឹម សួរភិរុណ ប្រធានមន្ទីរសុខាភិបាលខេត្តវិញ បានមានប្រសាសន៍ឲ្យដឹងដែរថា នៅពេលដែលប្រព័ន្ធព័ត៌មាន បានចុះផ្សាយល្ងាចថ្ងៃទី១៨ វិច្ឆិកា ២០១៦ ថាបុរស ឈ្មោះស៊ា នាង បានឆ្លងជំងឺហ្ស៊ីកា ក្រោយពីមន្ទីរពិសោធន៏របស់បាស្ទ័រ រាជ ធានីភ្នំពេញបានពិនិត្យយ៉ាងល្អិតល្អន់នោះ គឺមិនមាននោះទេ ដោយបុរសរងគ្រោះគ្រាន់តែធ្លាប់កើតជំងឺគ្រុនចាញ់តែប៉ុណ្ណោះ ៕
No comments:
Post a Comment
Note: Only a member of this blog may post a comment.