ព្រហស្បតិ៍ ២៤ វិច្ឆិកា, ២០១៦ ១៣:០៣
រាជធានីភ្នំពេញ ៖ សេចក្តីរាយការណ៍ឱ្យដឹងថា មានករណីចាប់បង្ខាំងនារីជាសង្សារទុកធ្វើអំពើហិង្សាវាយដំ និងគំរាមសម្លាប់ មិន តែប៉ុណ្ណោះ ថែមទាំងធ្វើទារុណកម្មផ្លូវភេទយ៉ាងព្រៃផ្សៃទៀតផង ដោយបុរសបង្កនោះ ត្រូវគេស្គាល់ថា ជាកីឡាករប្រដាល់ម្ចាស់ខ្សែ ក្រវាត់ «គោជល់» ហើយត្រូវនាងរងគ្រោះ បានរំដោះខ្លួនចេញពីបន្ទប់នោះ ស្រែកហៅគេជួយយ៉ាងរន្ធត់ ។
ហេតុការណ៍នេះ បានបង្កការភ្ញាក់ផ្អើលយ៉ាងខ្លាំង កាលពីវេលាម៉ោង១១យប់ថ្ងៃទី២៣ វិច្ឆិកា ស្ថិតនៅផ្ទះជួលមួយកន្លែង មានលេខ៥ ក្នុងភូមិទួលសង្កែ សង្កាត់ទួលសង្កែ ខណ្ឌប្ញស្សីកែវ ។
ប្រភពឱ្យដឹងថា ជនសង្ស័យត្រូវកម្លាំង នគរបាលឃាត់ខ្លួនបានភ្លាមៗ មានឈ្មោះកន ចន្ថា អាយុ២៥ឆ្នាំ ជាកីឡាករប្រដាល់ខ្សែក្រវ៉ាត់ «គោជល់» ស្នាក់នៅផ្ទះជួលកន្លែងកើតហេតុខាងលើ ។ ចំណែកនារីរងគ្រោះ អាយុ១៧ឆ្នាំ ជាអ្នកលក់ខោអាវនៅកោះពេជ្រ ។
បើតាមនាងរងគ្រោះ និយាយទាំងទឹកភ្នែកឱ្យដឹងថា នាងនិងបុរសនោះ (ជនសង្ស័យ)ទើបស្គាល់និងស្រឡាញ់គ្នា ជាសង្សារ រយៈពេល២ខែមកហើយ ដោយនាងបានមករួមរស់ជាមួយគ្នា នៅក្នុងផ្ទះជួលនោះ ។ ក៏ប៉ុន្តែមួយរយៈក្រោយនេះ ពួកនាងមានជម្លោះគ្នារហូត ដល់បុរសនោះ បានចាប់បង្ខាំងនាង មិនឱ្យចេញទៅណាទេ ។
នាងបន្តថា នៅថ្ងៃកើតហេតុនេះ គឺជននោះបានចាប់ វាយនាងឱ្យរងរបួស ហើយយកកាំបិតប៉័ងតោមកគំរាម អារ.កនាង និងចាប់ហែកអាវហែកខោ ដោយយកទូរស័ព្ទមកថតវីដេអូទៀតផង ។ ហើយជននេះកាន់តែឆ្កួត ចាប់នាងកាត់សក់ ហើយមិនអស់ចិត្តបានធ្វើទារុណកម្មផ្លូវភេទ ដោយយកប្រដាប់លុញក្លៀក មករុកក្នុងប្រដាប់ភេទនាង ធ្វើឱ្យខ្លាចជននោះ ខ្លាំងណាស់ (មុនពេលរួមភេទ) ។
បន្ទាប់មក ខណៈជននេះដើរ ចូលក្នុងបន្ទប់ទឹក នាងឃើញឱកាសហុចឱ្យ នាងក៏រត់ចេញពីក្នុងផ្ទះបាន ស្រែកហៅអ្នកភូមិជួយនាង ទើបបង្កការភ្ញាក់ផ្អើលដល់ប្រជាពលរដ្ឋ និងកម្លាំងសមត្ថកិច្ច ចុះទៅអន្តរាគមន៍ នៅផ្ទះកើតហេតុ ដោយចាប់ជននេះបានភ្លាមៗតែម្តង។
ប្រភព ៖ កោះសន្តិភាព
No comments:
Post a Comment
Note: Only a member of this blog may post a comment.