យន្តហោះ​ប្រធានាធិបតី​រុស្ស៊ី ត្រូវបាន​ហោះ​ប្រដេញ​តាម​ដោយ​យន្តហោះ​ចម្បាំង​ស្វី​ស

 ថ្ងៃទី 19 វិច្ឆិកា 2016 ម៉ោង 04:16:PM

យន្តហោះ​ប្រធានាធិបតី​រុស្ស៊ី​មួយគ្រឿង ដែល​ដឹក​អ្នកកាសែត​ច្រើន​នាក់ ត្រូវបាន​ហោះ​ប្រដេញ​តាម​ដោយ​យន្តហោះ​ចម្បាំង​ច្រើន​គ្រឿង​​នៅ​ដែនអាកាស​ស្វី​ស កាលពី​ថ្ងៃ​សុក្រ ស្របពេល​ដែល​ភាព​តានតឹង​កើនឡើងរ​វា​លោក វ្ល៉ា​ឌី​មៀ ពូ​ទីន ប្រធានាធិបតី​រុស្ស៊ី និង​ប្រទេសមួយ​​ចំនួន​នៅ​អឺរ៉ុប​។​

​អ្នកដំណើរ​ម្នាក់​ក្នុងចំណោម​អ្នកដំណើរ​ច្រើន​នាក់​នៅលើ​យន្តហោះ​រុស្ស៊ី​ដែល​ហោះ​ទៅ​ប្រទេស​ប៉េ​រូ​នេះ បាន​ថត​វីដេអូ​មួយ​ដែល​បង្ហាញ​​យន្តហោះ​យោធា​ដែលមាន​សញ្ញា​សំគាល់​ស្វី​ស ហោះ​មក​ជិត​យន្តហោះ​របស់​ពួកគេ ។​

​លោក Andrey Kolesnikov និពន្ធ​នាយក​នៃ​ទស្សនា​វ​ដ្តី​រុស្ស៊ី​Pioneer បាន​សរសេរ​លើ​ហ្វេ​ស​ប៊ុ​កថា “​យើង​កំពុង​ហោះ​ពីលើ​ប្រទេស​​ស្វី​ស​។​

​នៅ​ចំណុច​មួយ​នោះ យន្តហោះ​ដែល​ដឹក​គណៈប្រតិភូ​និង​ក្រុមអ្នកកាសែត​នេះ ត្រូវបាន​រារាំង​ដោយ​យន្តហោះ​ចម្បាំង​៣​គ្រឿង​នេះ​។​

​លោក Andrey Kolesnikov បាន​និយាយថា យន្តហោះ​ចម្បាំង​ទាំងនេះ បាន​ហោះ​មក​ជិត​ខ្លាំង រហូតដល់​គាត់​អាច​មើលឃើញ​មុខ​​របស់​អ្នកបើក​យន្តហោះ​ស្វី​ស​ទាំងនោះ ហើយ វា​អាចមាន​គ្រោះថ្នាក់ បើសិន​យន្តហោះ​ទាំងនេះ មក​ជិត​ជាង​នេះ​បន្តិចទៀត​នោះ​។​

​ទោះបីជា​មានការ​ភ័យ​ខ្លាំង​ក្តី យន្តហោះ​រុស្ស៊ី​នេះ អាច​នឹង​បង្ខំចិត្ត​ធ្វើការ​ចុះចត​ភ្លាមៗ​ដោយ​គ្មាន​ការគ្រោងទុក ប៉ុន្តែ​យន្តហោះ​ស្វី​ស​​ទាំងនោះ​បាន​ហោះ​ចេញ​ឆ្ងាយ នៅពេលដែល​យន្តហោះ​រុស្ស៊ី​នេះ​បាន​ហោះ​ជិត​ដល់​ព្រំដែន​៕

​យន្តហោះ​ប្រធានាធិបតី​រុស្ស៊ី​មួយគ្រឿង ដែល​ដឹក​អ្នកកាសែត​ច្រើន​នាក់ ត្រូវបាន​ហោះ​ប្រដេញ​តាម​ដោយ​យន្តហោះ​ចម្បាំង​​ច្រើន​គ្រឿង​នៅ​ដែនអាកាស​ស្វី​ស​